Shtetet e Bashkuara të Amerikës dhe Rusia do të zhvillojnë diskutime së bashku në një tryezë “kokë më kokë”, ditën e enjte (10 Prill), në Stamboll, Turqi.
Mediat turke, raportojnë se ky takim do të ketë për qëllim lehtësimin e tensioneve mes dy fuqive dhe adresimin e pikave kyçë që shqetësojnë marrëdhëniet mes tyre.
Zëdhënësi i Kremlinit, Dmitry Peskov, konfirmoi se Rusia do të përfaqësohet në tryezë nga Ministria e Punëve të Jashtme.
Sergej Lavrov, ministri i Jashtëm i Rusisë, u shpreh se të dy palet po punojnë për të zgjidhur mosmarrëveshjet e vazhdueshme mes tyre, për të mbërritur në një marrëdhënie të frytshme.
Ndërkohë, Reuters raporton se Ukraina nuk do të jetë pjesë e diskutimeve midis Shteteve të Bashkuara të Amerikës dhe Rusisë, duke thelluar kështu bindjen se ky takim “kokë më kokë” do zhvillohet vetëm për interesin e përbashkët mes dy palëve.
Hera e fundit kur dy palët u mblodhën së bashku për diskutime ishte në mars të viti, në Arabinë Saudite, ku fokus ishin diskutimet për fundin e luftës Rusi-Ukranë.
Diplomatët amerikanë kërkuar armëpushim në Detin e Zi, për të lejuar rrjedhën e lirë të transportit detar, por gjithashtu dhe një ndërprerje më të gjerë të bombardimeve në Ukrainë.
