Edhe pse të premten nis zyrtarisht fushata elektorale, duket se liderët politik do të vazhdojnë mitingjet edhe me shqiptarët e diasporës.
Të dielën, Edi Rama dhe Sali Berisha do të mbajnë të dy miting me komunitetin shqiptar në Itali, por do të jenë rreth 100 km larg njëri tjetrit dhe mitingjet do i mbajnë vetëm me 1 orë distancë.
Më konkretisht, Edi Rama do të mbajë një miting në Milano të dielën në orën 15:00, ndërsa Berisha do të takojë shqiptarët e Brescias dhe mitingu i tij nis në orën 16:00.
Në këtë fushatë elektorale, të dy liderët politikë do të kërkojnë mbështetje nga diasporën, e cila voton për herë të parë dhe do të ketë një rol të rëndësishëm në këto zgjedhje.
