Kryenegociatorja e BE-së Kaja Kallas ka hedhur poshtë propagandën e kryeministrit Edi Rama i cili nga “mëngjesi deri në darkë” deklaron se vetëm Partia Socialiste do ta anëtarësojë Shqipërinë në Bashkimin Europian.
Në përgjigjen për pyetjet nga gazetarët, Kallas deklaroi se duhet bashkëpunim i të gjitha palëve politike për ta realizuar integrimin e Shqipërisë në BE.
“Unë vij nga një vend që e ka kryer rrugëtimin e vet drejt BE dhe është tashmë shtet anëtar, Është qartë që në këtë rrugëtim duhet në fakt bashkëpunimi i të gjitha palëve sepse në fakt duhen zbatuar disa reforma shumë të vështira, që duhen zbatuar plotësisht dhe për këtë duhet mbështetje e përkrahje e plotë. Ajo që kuptoj unë këtu është që në Shqipëri qytetarët e kanë dhënë mbështetjen e tyre, përkrahjen e tyre në rrugëtimin e Shqipërisë dhe anëtarësimin e saj në BE. Një mbështetje e gjerë dhe kjo është gjë që shqiptarët duan ta arrijnë, për këtë duhen reforma të vështira që kërkojnë mbështetjen e të gjithëve në shoqëri Ky është objektivi përfundimtar, jo thjesht reforma por edhe zbatimi i tyre që kërkon mbështetje të plotë të partive politike”, tha Kallas.
