Një ngjarje disi e pazakontë në Korçë, teksa një operacion ka çuar në arrestimin e një 34-vjeçari, i identifikuar si Spartak Selimaj i cili u kap duke iu shitur një sasi kokaine dy shtetasve.
Sasia e kokainës, e ndarë në 14 doza, u sekuestrua nga policia. Burime të besueshme bëjnë me dije se ky shtetas ka shkelur masën e sigurisë “arrest në shtëpi,” e caktuar nga Gjykata e Korçës, për dy vepra të ndryshme penale.
Ndërkohë, dy shtetasit që blenë lëndën narkotike janë proceduar penalisht në gjendje të lirë.
Drejtoria Vendore e Policisë së Korçës vijon kontrollet intensive për të vënë para përgjegjësisë edhe personat e tjerë të përfshirë në trafikimin e lëndëve narkotike.
