Kanë mbërritur në ambientet e Parkut Olimpik, në sallën sportive “Fetih Borova”, fletët e votimit dhe zarfet e prodhuara në Slloveni, për të gjithë votuesit nga jashtë, për zgjedhjet parlamentare të 11 Majit.
Kutitë me materialet zgjedhore do të qëndrojnë në këtë sallë dhe të mërkurën do të nisë procesi i mbushjes së zarfeve me fletët e votimit, por dhe udhëzuesin e hartuar nga KQZ-ja për mënyrën sesi votohet. I gjithë procesi do të jetë i monitoruar nga kamerat dhe do të transmetohet live në faqen e KQZ.
Komisioneri Shtetëror i Zgjedhjeve, Ilirjan Celibashi ka lajmëruar përmes një postimi në rrjetet sociale që për shqiptarët që jetojnë në Europë zarfet me fletët e votimit do t’ju mbërrijnë nga data 15 deri më 22 Prill ndërsa në kontinentet e tjera nga data 15 deri në 25 Prill.
Ai bëri të ditur se çdo votues nga jashtë ka vetëm tre ditë kohë për të shprehur vullnetin e tij dhe më pas do duhet ta rinisë zarfin me të njëjtën kompani postare me kosto zero, pasi gjitha tarifat paguhen nga KQZ.
