Autoritetet policore greke kanë arrestuar një 36-vjeçar shqiptar, pasi ishte denoncuar nga një 30-vjeçare greke, se ai e kishte ngacmuar seksualisht.
Rasti ka ndodhur në Hania të Kretës, dy ditë më parë (1 Prill), kur punonjësja e marketit po i shërbente shqiptarit, i cili ndodhej aty si klient.
Sipas medias greke, shqiptari i është afruar punonjëses dhe e ka prekur atë kundër dëshirës së saj. Kjo e fundit denoncoi 36-vjeçarin dhe brenda disa orësh është arritur vendosja e tij në pranga.
Ndërkohë, 36-vjeçari nuk ishte i pajisur me dokumentin ligjor që lejon qëndrimin e tij në Greqi, ndaj dhe do të nisin procedura e dëbimit të tij, sipas medias “Cretalive”.
Shqiptari ndodhet në paraburgimin e Hanias dhe ndaj tij është ngritur akuza “sulmi seksual”.
