Është hedhur shorti i Evropianit të 17-vjeçarëve (U-17), që do të mbahet në Shqipëri, nga data 19 maj deri më 1 qershor.
Ashtu siç pritej, kuqezinjtë që u kualifikuan si vend organizator, do të jenë në grup ferri. Goglat përcaktuan që Shqipëria do të përballet me Francën, Gjermaninë dhe Portugalinë, ndërsa në grupin B janë shortuar Italia, Belgjika, Anglia dhe Çekia.
Faza finale e këtij turneu do të luhet në katër stadiume në vendin tonë:
“Arena Kombëtare”, Tiranë, “Elbasan Arena”, Elbasan, “Arena Egnatia”, Rrogozhinë dhe “Niko Dovana”, Durrës.
Shqipëria do të luajë ndeshjen hapëse të Kampionatit Europian U-17 ndaj Portugalisë më 19 maj, në stadiumin “Arena Kombëtare”, në orën 18:00.
Finalja do të luhet më 1 qershor, në stadiumin “Arena Kombëtare” në Tiranë.
SHORTI:
Grupi A: Shqipëria, Franca, Gjermania, Portugalia.
Grupi B: Italia, Belgjika, Anglia, Çekia.
