Një 37-vjeçar shqiptar është vënë në pranga pasi akuzohet se ka shtyrë një të moshuar në shinat e metrosë. Ai do të dalë para drejtësisë gjermane nën akuzën për tentativë vrasje.
Pothuajse një vit më parë, shqiptari ka sulmuar papritur nga prapa një person 72-vjeçar në stacionin e metrosë Rosa-Luxemburg-Platz. I moshuari pësoi lëndime të rënda në zonën e kokës dhe qafës dhe më pas ka mbetur i paralizuar.
Zyra e prokurorit publik fillimisht kishte ngritur akuza për lëndim të rëndë trupor. Megjithatë, në vendimin e hapjes së procesit, gjykata vuri në dukje një dënim të mundshëm për tentativë vrasje. I moshuari priste trenin e radhës më 20 prill 2024 rreth orës 20:20 kur ai është shtyrë papritur.
Pamjet nga kamerat e sigurisë dhe deklaratat e dëshmitarëve thuhet se vërtetojnë një sulm nga pas. Shëiptari mësohet se më 6 prill 2024 ka dalë në rrugë e ka goditur me grushte dhe shkelma një grua. Në atë kohë, i pandehuri ishte i dehur.
37-vjeçari, i cili tha se punonte si punëtor ndërtimi, u arrestua në Berlin-Neukölln në tetor. Që atëherë ai është në paraburgim. Për procesin gjyqësor ndaj tij, i cili ka filluar, është caktuar të zgjasë edhe katër ditë të tjera dhe të përfundojë deri më 12 maj.
