Ernest Muçi nuk është parë si një alternativë nga Silvinjo në Kombëtaren e Shqipërisë. Edhe pse e ka ftuar në Kombëtare, asnjë minutë nuk i është dhënë 24-vjeçarit ndaj Anglisë dhe Andorrës.
Megjithatë sot, Ernest Muçi po luan një ndeshje mjaft të mirë për Besiktasin, përballë Gallatasarayt duke qenë protagonist në disa raste. Muçi gjeti edhe golin në pjesën e parë, por anësori e anuloi.
Shoku i skuadrës që e asistoi te Besiktasi, ishte në pozicion jashtë loje më parë. Ky gol do të ishte për rezultatin 2-0, ndërsa Gallatasaray ia doli që të barazojë më pas në fundin e pjesës së parë(1-1).
GOLI I ANULUAR I ERNEST MUCIT – VIDEO
Galatasaray aktualisht po luan me 10 futbollistë pasi arbitri ndëshkoi me karton të kuq Frankowskin pas një ndërhyrje ndaj Ernest Muçit. Ishte minuta e 33-të, kur Frankovski goditi sulmuesin shqiptar mes këmbëve.
Fillimisht gjyqtari i ndeshjes u mjaftua me karton të verdhë. Muçi po merrte ndihmë nga stafi mjekësor, ndërsa VAR e thërriti kryesorin për të riparë pamjet.
Më pas vendimi ndryshoi, duke nxjerrë Frankovskin me karton të kuq. Muçi ia doli ta vazhdojë ndeshjen pa probleme.
Kjo ndeshje është dhe supersfida e javës në Superligën turke. Besiktas i vendit të katërt kërkon t’i prishë punë Gallatasarait, që lufton për titullin kampion.
