Miliarderi Bill Gates ka bërë një paralajmërim të frikshëm, ndërsa tha se përparimet në Inteligjencën Artificiale do të zvogëlojnë ndjeshëm rolin e njerëzimit në shumë detyra tradicionale si mjekësia dhe arsimi. Sipas miliarderit, ndryshimi mund të ndodhë në më pak se 10 vjet.
Gjatë një interviste të fundit me komedianin Jimmy Fallon në “The Tonight Shoë” të NBC, bashkëthemeluesi i Microsoft përshkroi një të ardhme ku njerëzit nuk do të jenë më të nevojshëm “për shumicën e gjërave”. Ai tha se teknologjia AI do të kryejë me lehtësi detyra që kërkojnë aktualisht aftësi të specializuara njerëzore.
“Sot, ekspertiza në fusha të tilla si mjekësia dhe arsimi mbetet e rrallë”, tha Gates, duke shtuar se ato fusha varen nga “një mjek i madh” ose “një mësues i madh”.
Gates tha gjithashtu se gjatë dekadës së ardhshme, “këshillat e shkëlqyera mjekësore dhe mësimi i shkëlqyer” do të bëhen falas.
