Politologu Ilir Kalemaj ka qenë i ftuar në MCN, ku ka komentuar arrestimet dhe hetimet e SPAK-ut ndaj politikanëve, si dhe marrëdhëniet që institucionet e drejtësisë kanë me amerikanët.
Kalemaj tha se nuk beson që amerikanët ndërhyjnë në çështje të caktuara të drejtësisë apo që të japin direktiva politike që të goditet X apo Y.
“Nuk besoj se amerikanët ndërhyjnë në çështje të caktuara, që japin direktiva politike që të goditet X apo Y. Nuk besoj se janë të interesuar që drejtësia të jetë e verbër. Janë të interesuar që drejtësia të luajë rolin e saj, të jetë e pandikuar politikisht. Mosndikimi në politikë, drejtësi është një nga sfidat e fundit që kanë ngelur. Është interes i amerikanëve dhe i shqiptarëve besoj.” – tha Kalemaj.
Më tej, Kalemaj tha se cilado parti politike që përdor apo instrumentalizon SPAK-un i bën dëm SPAK-ut dhe reformës në drejtësi.
“Cilado parti politike që përdor apo instrumentalizon SPAK-un i bën dëm SPAK-ut dhe reformës në drejtësi. Drejtësia duhet të jetë e pavarur nga ndikimi politik. E dyta, duhet të jetë efektive dhe të ndëshkojë krimin e organizuar, korrupsionin dhe kapjen e shtetit.” – tha politologu.
