Përfaqësues amerikanë të OPDAT u rikthyen sërish në Prokurorinë e Posaçme SPAK dhe në Gjykatën Kundër Korrupsionit dhe Krimit të Organizuar, teksa ishin larguar pas urdhërit të Donald Trump.
Lidhur me këtë çështje, foli sot në emisionin “Open” analisti Fatos Lubonja, i cili tha se fillimisht duhet ndarë se cila është arsyeja që amerikanët u rikthyen në Shqipëri. Sipas tij duhet të sqarohet nëse rikthimi i tyre është bërë për mbështetje teknike apo politike.
Lubonja: Tani këtu duhet të ndajë për çfarë mbështetje bëhet fjalë, për mbështetje teknike pra si specialistë, apo për mbështetje politike, mbështetje e pavarësisë së SPAK. Unë dua t’u shikoj fytyrën atyre e para punës, nëse janë teknikë s’është që më intereson shumë, por nuk besoj se është ana teknike që i jep kurajo SPAK. Nëse është fjala për mbështetje politike, që quhet edhe morale, atëherë këta janë lojtarë dhe në një farë mënyre ne mund tu kërkojmë edhe përgjegjësi atyre. Janë gjëra që duhet t’i sqarojmë. Ka ca që më kanë thënë janë 100 amerikanë atje me vullnet të mirë, po të ishin aq do kishte shpëtuar Shqipëria. Nuk besoj se janë marrë me hollësi me këtë punë.
