Gazetari Sokol Bregu ishte i ftuar në “Top Story” , ku foli për rastin e rëndë në Vlorë, ku 40-vjeçari, Rinald Rakipaj, akuzohet se ka kryer marrëdhënie seksuale dhe ka nxitur përdorimin e drogës ndaj 3 vajzave adoleshente të moshës 15-16 vjeçare.
Bregu zbuloi më shumë detaje rreth çështjes, ku u shpreh të japësh drogë është nxitje përdhunimi dhe vepër penale që dënohet nga 5 deri në 10 vite burg. Sakaq, gazetari krahasoi çështjen me rastin e çiftit rom në Korçë, ku bashkëshorti rrezikon 25 vite burg për kryerje marrëdhënie me të mitur, ku tha se në rastin e Vlorës, sheh hezitim për ngritje akuze.
“Është ajo që policia shqiptare nuk e bën kurrë. Kjo e nxitjes së përdorimit të drogës. Nxitja dënohet me 5-10 vite burg. Sipas kodit penal pjekuria ligjore është 18, ndërsa ajo seskulae është 14. Nëse ofron drogë brenda kësaj kohe je nxitës. Prokurorët e kanë të vështirë të nxjerri akuzë për dhunë seksuale. Është investuar prokuroria shqiptare për historinë e dashurisë së dy romëve dhe duan ta dënojnë me 25 vite burg. Ne e njohim minoritetin e tyre. Shoh një dëshirë të madhe të prokurorit për ta dënuar. Në këtë rast (Vlorës) shoh hezitim për ngritje akuze. Nëse një vajzë do të shkojë më dëshirë nuk është krim, nga mosha 14-18 vjeçare.
Drogën e ke përdorur në formë dhune. Nëse ajo nuk e ka blerë drogën…policia në rastin konkret është treguar indiferente, nuk e di arsyen pse. Prokurori nga ana e tij duhet t’i çonte të treja vajzat për një ekspertizë gjinekologjike. Po çojnë 25 vite burg një djalë rom dhe tregohemi butësisht me një minorene. Kjo do të thotë të ruajmë rastet e tjera”, tha ai.
