Janë zbardhur detaje të reja nga krimi me dy të vdekur, i regjistruar ditën e sotme në Vushtri të Kosovës, ku pronari i furrës së bukës “Diellza”, 58-vjeçari Arsim Morina vrau me armë zjarri ish-punëtoren e biznesit të tij, 42-vjeçaren Nexhmije Haradinaj dhe më pas qëlloi edhe veten.
Sipas një të afërmi të 42-vjeçares, shkak i vrasjes dyshohet se ka qenë xhelozia e pronarit, pasi viktima Nexhmije Haradinaj kishte lënë punën te furra dhe kishte nisur të punonte diku tjetër.
“Nuk ka pasur ndonjë lidhje familjare. Ka qenë grua shembullore. Para një kohe kanë qenë punëtore e këtyre me gjithë bashkëshortin por rrethanat se si kanë ardhë deri te vrasja nuk i dijmë as ne si familje. Kërkojmë mirëkuptimin e juaj që familjarët të mos shqetësohen. Gruaja ka qenë rreth të 40-ave, probleme nuk ka pasë…Dhashtë Zoti të jetë viktima e fundit. Sipas një informate xhelozia se përse ke shku te një tjetër vend me punue dhe jo te unë”, ka thënë Rrahim Ajeti, familjar i viktimës.
