Pritej një reagim pas humbjes ndaj Anglisë dhe ka ardhur. Shqipëria mposht me rezultatin 3-0 Andorrën duke marrë fitoren e parë në Kualifikueset e Kupës së Botës.
Skuadra e Silvinjos e nisi në sulm sfidën dhe me motivimin për të imponuar lojën menjëherë ndaj kundërshtarit.
Dhe në fakt ndeshja nis në mënyrën më të mirë të mundshme. Minuta e 9-të një goditje dënimi nga e djathta e krosuar në mënyrë pefekte nga Asllani, shfrytëzohet nga sulmuesi Rey Manaj që me kokë e çon topin në rrjetë, për golin e avantazhit.
Në minutën e 20 do të vinte edhe goli i dytë, pas një aksioni të përkyer, me Brojën që merr një top nga e djathta i ç’markohet mbulimit të mbrojtësit bën një finte ndaj portierit mik, e më pas vendos të pasojë për Rey Manaj, me bomberin e Sivasspor që nuk fal teksa gjen golin e dytë për kuqezinjtë.
Asllani tentoi dy herë nga distanca portën e miqve por pa sukses, me fraksionin e parë që mbyllet me shifrat 2-0.
Në pjesën e dytë ritmi ulet por me ekipin tonë përfaqësues që kontrollon lojën ndërsa Andorra përpiqet të mos pësojë gola të tjerë. Në fraksionin e dytë minuta pati edhe për Myrto Uzunin, që zëvendësoi Brojës dhe ishte pikërisht sulmuesi beratas që shënoi golin e tretë në shtesë.
Marrim fitoren e parë dhe 3 pikëshin e parë në këto eleminatore, duke u ngjitur në vendin e 2 në Grupin K, pas dy ndeshjve të para.
Takimi i radhës i kualifikueseve është ndeshja e qershorit e shumëpritura Shqipëri-Serbi.
