Nuk mjaftonte distancimi nga njëri-tjetri. Së fundmi është vënë re se raporti mes Eglit dhe Gjestit arriti një tjetër pikë tensioni në “BBVA4”.
Një përplasje e ashpër ka ndodhur së fundmi mes tyre kur Egli akuzon Gjestin se ka shmangur çdo përpjekje për një bisedë të sinqertë që nga rikthimi i saj.
Ndërsa Gjesti refuzoi të komunikonte me të duke thënë se ajo “nuk e meriton”.
Pjesë nga debati i tyre:
Egli: Ti nuk ke ardhur ende të bësh një bisedë me mua.
Gjesti: S’dua ta bëj, s’e meriton.
Egli: Se kaq i papjekur je, je kalama! Bërtit nëpër shtëpi si budalla. Nuk e bëre kurrë një bisedë të qetë, se s’je burrë ta bësh.
Përplasjet e fundit mes tyre kanë shkaktuar një mori reagimesh në rrjet.
Disa ndjekës mbështesin qëndrimin e Eglit, duke e quajtur atë të drejtpërdrejtë dhe pa filtra, ndërsa të tjerë e shohin Gjestin si të sulmuar padrejtësisht.
