Një ngjarje e rëndë ka tronditur pasditen e sotme fshatin Stanovc të Komunës së Vushtrrisë.
Sipas informacioneve të para, pronari i furrës së bukës “Diellza” ka vrarë një punëtore grua dhe më pas ka kryer vetëvrasje.
Sipas medieve në Kosovë, autori është identifikuar si shtetasi Arsim Morina.
Lajmin e ka konfirmuar zëdhënësi i Prokurorisë Themelore në Mitrovicë, Valon Preteni.
“Konfirmojmë se janë dy viktima nga të shtënat me armë zjarri. Prokurori dhe njësitë përkatëse të policisë janë në vendin e ngjarjes”, ka deklaruar ai.
Forca të shumta policore kanë rrethuar zonën, ndërsa banorët e shqetësuar janë mbledhur të tronditur nga ngjarja.
Ngjarja ka ndodhur brenda furrës së bukës, por ende nuk janë bërë të ditura detaje zyrtare mbi motivin e kësaj tragjedie.
Kjo është vrasja e dytë që trondit Vushtrrinë brenda 24 orëve, pasi një 19-vjeçar u vra vetëm një ditë më parë në rrethana të tjera.
