Kanadaja do të shkojë në zgjedhje të parakohshme, që do të mbahen në 28 prill.
Kryeministri Mark Carney kërkon një mandat të fortë nga kanadezët. “Ka shumë më tepër për të bërë për të siguruar Kanadanë”, shprehet ai.
Carney thekson planet për të mbështetur fermerët dhe bizneset gjatë një lufte tregtare me SHBA-në, si dhe zgjerimin e kujdesit dentar për miliona banorë.
Lufta tregtare me Amerikën është një nga “kërcënimet më të rëndësishme të jetës sonë”, thotë Carney. “Ai (Trump) dëshiron të na dobësojë, në mënyrë që Amerika të na zotërojë. Ne nuk do ta lejojmë këtë të ndodhë,” theksoi kryeministri Carney.
Carney zëvendësoi Justin Trudeau, i cili njoftoi dorëheqjen e tij në janar, por mbeti në pushtet derisa partia qeverisëse Liberale zgjodhi Carney më 9 mars.
Kryeministri i 24-të i Kanadasë, më 14 mars ka thënë se qeveria në një kohë krize ka nevojë për një mandat të fortë dhe të qartë.
