Siç njofton stacioni i policisë kufitare Piding, një shofer shqiptar u ndalua në A8 pranë Siegsdorf në drejtim të Salzburgut në Austri.
19-vjeçari është shfaqur i nervozuar para efektivëve dhe mësohet se pyetjeve u ka dhënë përgjigje kontradiktore. Më pas policia kontrolloi tërësisht mjetin e tij tip “Volkswagen” dhe zbuloi dy pako të fshehura. Një hetim i mëvonshëm zbuloi se ai përmbante rreth 1.5 kilogramë kokainë.
Policia kufitare arrestoi përkohësisht 19-vjeçarin shqiptar. Pas konsultimit me prokurorinë publike të Traunstein, një gjyqtar hetues lëshoi një urdhër-arresti për të dyshuarin për posedim dhe trafik të paligjshëm të një sasie të konsiderueshme narkotike.
Tashmë 19-vjeçari ndodhet në paraburgim në institucionin korrektues. Departamenti i Hetimit Kriminal të Traunstein po heton.
