Një person rreth moshës 60-vjeçare pa shenja jete është gjetur nga banorët e zonës në në fshatin Balldre të Lezhës.
Sipas policisë, viktima ka plagë në kokë dhe dyshohet se kemi të bëjmë me një ngjarje aksidentale.
“Rreth orës 12:00, në fshatin Balldre, banorët e zonës kanë konstatuar të shtrirë në rrugë, shtetasin S. S., rreth 60 vjeç, me dëmtime në kokë.
Nga veprimet e para të Policisë, në vendin ku u gjet ky shtetas, dyshohet se ai është rrëzuar aksidentalisht ndërkohë që kulloste bagëtitë.
Shtetasi S. S. është transportuar në spital dhe ndodhet në kujdesin e mjekëve”, thuhet në njoftimin e policisë.
Grupi hetimor po punon për dokumentimin e rrethanave të rastit.
