Pasi kryeministri Edi Rama i bëri ftesë deputetit deputetit demokra, Dashnor Sula për t’iu bashkuar PS-së, ka reaguar edhe kryedemokrati Sali Berisha.
Gjatë një komunikimi me gazetarët në selinë ‘Blu’, Berisha deklaroi se vendi i Dashnor Sulës është në Partinë Demokratike, duke theksuar se “ideja e tij për të gjetur strehë tek Llapaj e mori përgjigjen sot nga Rama”.
Sipas Berishës, Rama i tha Dashnor Sulës që “që sa shkosj te Llapaj hajde tek unë, se është njësoj se jam unë padroni”.
“Së pari, Dashnor Sula është një eksponent i PD-së me investime reale në këtë parti dhe vendi i tij është në PD.
Eksplorimi, se njeri të pagabueshëm nuk ka, ideja e tij për të gjetur strehë tek Llapaj, e mori përgjigjen sot nga Rama.
Rama i thotë atij, sa shkon tek Llapaj, hajde tek unë se është njëlloj, po unë të paktën jam unë padroni.
Pra, në këto deklarata shihet se sa e gabuar ka qenë përzgjedhja që bëri Dashi me Llapajn.
Sepse ata janë njëlloj. Ata janë paterica të Edi Ramës.”, tha Berisha.
