Opozita këtë të shtunë, për rreth një orë protestoi kundër vendimit të qeverisë për mbylljen e rrjetit social TikTok, me pretendimin për ruajten e sigurisë për fëmijët në shkolla.
Me pankarta në ku shkruhej “Martinin e vrau qeveria, jo Tik Tok-u”, referuar faktin që indicia për mbylljen e aplikacionit ishte vrasja e Martin Canit më 18 nëntor, apo “Shqipëria 2025 ndalohet Tik Tok, lejohet korrupsioni”, “Tani do të merremi me diçka më produktive, si korrupsioni”, “E çove edhe Tik Tok-un në emigracion”, të rinjtë e FRPD-së iu drejtuan sheshit përballë Kryeministrisë.
Edhe pse të vakët në numër, në protestë u bashkua kryedemokrati Sali Berisha, deputetë të kësaj force politike apo edhe aleatëve të kësaj force politike.
Fjalimin në protestë e mbajtën disa të rinj, aktorë dhe disa nga të pranishmit në protestë.
Ndërkohë mbi 800 forca të policisë, duke nisur nga ato të rendit, FNSH, Shqiponjat ishin në terren për mbarëvajtjen e protestës ndërsa nuk u shënua asnjë incident.
“Serbët e shqyen qeverinë”/ Aktori Malkaj: Rama e ka inat TikTok, pasi nuk e administron dot
Aktori i njohur Mehdi Malkaj ishte pjesë e protestës së opozitës kundër mbylljes së TikTok, ku edhe mbajti edhe një fjalim.
Në fjalën e tij aktori krahasoi protestat në Athinë dhe në Beogard, duke i bërë thirrje shqiptarëve që të dalin në protesta.
“Ky nuk ka inat me TikTok-un, por ky që i rëntë damllaja aty ku është, ky ka inat pse ne kemi TikTok. Sepse nuk e administron ai, sepse është ai që i bën të tërë. Ai që një ditë do na heqë edhe ajrin. Nuk bëhet gjë pa protestë. Po grekërit e dogjën Athinën për një gjë që kishte ndodhur më parë. I duam apo nuk i duam serbet, e shqyen qeverinë, nuk di ku të futet ai Vucic. Po ne pse dele? Ne nuk jemi fis delesh, jemi fis trimash. Unë jam një trim se i dal përballë atij dhe nuk më dridhet qerpikë”, tha aktori Mehdi Malkaj.
“Protestojmë kundër censurës”/ Xhaferri: Pas 12 majit, Ramën do ta bëjmë “Non Grata” të çdo platformë
Kryetari i FRPD Besart Xhaferri tha gjatë protestës përmbyljen e TikTok, se po protestime kundër censurës. Xhaferri tha se qeveria do të marrë ndëshkimin me votë qeverinë e Edi Ramës dhe se PD do të jetë fituesja e zgjedhjeve.
Më tej Xhaferri tha se kryerminsitri duhet të shpallet “non grata” në çdo platformë.
“Edi Rama veten e tij e ndjen në 2030, e ndejn veten kryeministër të 2030. Ta mbyllte në 12 maj, por nuk e mbyll me 12 maj. Sepse qeveria e tij është mbyllur që tani dhe do ti japi oksigjen propagandës së Endri Fugës, mendimit të tij gëbelsian dhe gjithçka që ai do të kontrollojë. Kontrollon mediat, e dimë që të gjithë. Kemi analistë të pavarur në listën e tij të mbyllur. Ja këto janë mediat shqiptare. Kontrollon biznesmenët e dimë të gjithë. I ke prapë në listat e tij të mbyllura. Kontrollon rininë e pavarur. Aty i ke edhe ata. Kontrollon edhe krimin. Brenda listës së tij i ke po ashtu. Po një kërkesë kam unë patjetër për Partinë Demokratike. Me 12 maj do mbyllim serialin me pullë të kuqe sy m’sy. Duhet të heqim lugatin nga televizioni që i del çdo fëmije shqiptar. Ta heqim Edi Ramën dhe ta bëjmë non grata të çdo platforme sepse vetëm ai do ti kontrollojë ato. Dhe thirrja ime është, nga sot e tutje asnjë sekondë pushim. Ne do jemi fitimtarë, ata janë humbësit e vërtetë. Ata do jenë humbësit e 12 majit”, deklaroi ai.
Berisha: Rama mori goditjen dhe ndëshkimin përfundimtar
Në përfundim, kreu i PD-së, Sali Berisha u shpreh se me këtë protestë, Edi Rama mori goditjen dhe ndëshkimin përfundimtar.
Sipas Berishës, “Rama u damkos si armik i egër i lirisë, armik i egër i të rinjve shqiptarëve”
“Ju i dëgjuat fjalët e tyre, fjalë që buronin nga shpirti i tyre i lirë. Edi Rama sot mori ndëshkimin përfundimtar. Sot u damkos si armik i egër i lirisë, armik i egër i të rinjve shqiptarëve. U damkos përfundimisht si biri i të atit, i cili 37 vite më parë urdhëronte varjen në litar të poetit Havzi Nela. Edi Rama mori sot ndëshkimin më të madh, më të merituar.
I pyetur për listat, se pse nuk ka vendosur më shumë të rinj, Berisha tha: “Janë qartësisht mbi kuotat”“, tha kryedemokrati.
Mbyllja eTikTok nga qeveria
Qeveria vendosi të mbyllë rrjetin social, ndaj të cilit edhe shumë vende të tjera në botë kanë vendosur masa, pas vrasjes së të riut Martin Cani nga një bashkëmoshatar ndërkohë që për këtë çështje u zhvillua dhe një konsultë me prindër dhe mësues.
Ndërsa prindërit e Martin Canit, 14-vjeçarit që u qëllua për vdekje pas daljes nga shkolla, deklaruan se djali i tyre nuk kishte llogari në rrjetin social.
Disa ditë më parë kryeministri Rama njoftoi se mbyllja do të zgjasë 1 vit deri sa kompania të vendosë filtrat e sigurisë, ndërkohë që aktualisht platforma ende është funksionale.
Teksa Sali Berisha vlerëson se kryeministri Rama kërkon të mbyllë rrjetin social për arsye elektorale pasi shumë të rinj po e ironizojnë kreun e qeverisë.
