Juljan Shehu ishte emri surprizë në listën e Kombëtares për ndeshjet kundër Anglisë dhe Andorrës.
Mesfushori tiranas nisi të luajë futboll në akademinë e Partizanit në sezonin 2013-2014, ndërsa në vitet 2014-2017 ishte pjesë e Internacional Tiranës.
26-vjeçari filloi karrierën e tij profesionale me Kastriotin, ku gjatë sezonit 2018-2019 shënoi 4 gola në 31 ndeshje. Pasi spikati atje, ai u transferua te Laçi ku qëndroi për 3 sezone, 2019-2022.
Shehu luajti 98 ndeshje dhe shënoi 9 gola gjatë tre sezoneve me kurbinasit. Ai formoi treshen më të mirë të Superiores para 4 sezoneve së bashku me Regi Lushkja dhe Ardit Deliu.
Në 2022-shin u transferua në Poloni te skuadra e Uidzeu Lodz, ku ka bërë 54 paraqitje deri më tani. Mesfushori pësoi një dëmtim në fund të nëntorit 2024, gjatë sezonit të tij të dytë me klubin polak, por tashmë është rikthyer në formën e tij dhe trajneri Silvinjo ka vendosur ti besojë.
Gjithashtu Shehu ka përfaqësuar Shqipërinë në nivelin U21, duke bërë 8 paraqitje në vitin 2019.
