Një aksident i rëndë është regjistruar pasditen e kësaj të mërkure në fshatin Leminot të Maliqit. Nga informacionet paraprake mësohet se një motor ka përplasur një këmbësor, i cili për pasojë ka ndërruar jetë.
“Rreth orës 19:05, shtetasi E. P., 18 vjeç, banues në Çaushli, duke drejtuar një motor, ka përplasur një këmbësor, shtetasin A. S., 68 vjeç, banues në Velitërnë. Si pasojë e përplasjes ka ndërruar jetë rrugës për në spital shtetasi A. S.” – njofton Policia.
Mësohet se drejtuesi i motorit shtetasi E. P., është plagosur dhe ndodhet në spital për ndihmë mjekësore.
Policia thotë se grupi hetimor ndodhet në vendngjarje për të përcaktuar shkakun e aksidentit.
