Sekretari i Jashtëm i Mbretërisë së Bashkuar, David Lammy ka dënuar vrasjet masive në Siri.
Në një postim në X, ai thotë se raportet se “një numër i madh civilësh janë vrarë në zonat bregdetare në Siri në dhunën e vazhdueshme janë të tmerrshme”, duke shtuar se autoritetet në Damask duhet të mbrojnë të gjithë sirianët dhe “të përcaktojnë një rrugë të qartë drejt drejtësisë tranzicionale”.
Më herët, Bashkimi Evropian lëshoi një deklaratë duke dënuar sulmet e “elementëve pro-Asad” ndaj forcave të përkohshme qeveritare.
“BE u bën gjithashtu thirrje të gjithë aktorëve të jashtëm që të respektojnë plotësisht sovranitetin, unitetin dhe integritetin territorial të Sirisë”, shton deklarata.
Franca ka dënuar gjithashtu dhunën që synon “civilët për shkak të besimit të tyre” si dhe të burgosurit.
Franca bëri thirrje për hetime të pavarura për vrasjet e fundit me ministrinë e saj të jashtme që shkruan në një deklaratë se qeveria e përkohshme e Sirisë duhet të garantojë “ruajtjen e pluralizmit etnik dhe fetar të Sirisë”, ka raportuar BBC.
