Ministrja e Bujqësisë, Anila Denaj ka shkarkuar nga detyra drejtorin e komanduar të Autoritetit Kombëtar të Veterinarisë dhe Mbrojtjes së Bimëve (AKVMB), Ilir Ajdini.
Lajmi konfirmohet nga burime për mediat, të ciolat thonë se në vend të tij do të emërohet Sulejman Kullolli, i cili aktualisht drejton Drejtorinë Rajonale të Veterinarisë dhe Mbrojtjes së Bimëve në Tiranë (DRVMB-Tiranë).
Ilir Ajdini shkarkohet nga detyra e kreut të Autoritetit Veterinar, pasi ishte emëruar në shkelje të ligjit dhe për këtë ishin hedhur akuza edhe drejt Ministrisë së Bujqësisë të drejtuar nga Anila Denaj.
Presidenti i Urdhrit Veterinar, Ervin Resuli ka denoncuar më herët se në krye të Autoritetit Veterinar ishte emëruar një drejtor pa diplomë në veterinari, duke shkelur ligjin dhe vendosur në rrezik shëndetin publik.
Më konkretisht, drejtori i shkarkuar i AKVMB-së Ilir Ajdini nuk ka përfunduar studimet për veterinari, por për Bioteknologji Ushqimore ose e thënë ndryshe teknolog usdhqimor. Sipas Resulit, VKM-ja nr. 683 e thotë qartë që kreu i Autoritetit Kombëtar të Veterinarisë duhet të jetë me diplomë në Mjekësinë Veterinare.
Resuli: Drejtori i Autoritetit Veterinar është një “kuzhinier”, u shkel VKM-ja
