Policia e Tiranës ka goditur dy raste të shitjes së dozave me lëndë narkotike në kryeqytet dhe si rezultat ka arrestuar dy persona.
Më konkretisht, nga efektivët e komisariatit nr.4 është vënë në pranga shtetasi Grid Preni, 26 vjeç, banues në Tiranë. Raportohet se gjatë kontrolleve fizike dhe në banesë, këtij shtetasi i janë gjetur doza kokaine dhe një sasi kanabisi, të siguruara me qëllim shitjen.
Ndërkohë, forcat “Shqiponja” kanë vënë në pranga shtetasin Albis Hasdukaj, 26 vjeç. Blutë e kryeqytetit bëjnë me dije se në automjetin që drejtonte i riu, janë gjetur disa doza kanabisi, të siguruara me qëllim shitjen. Për rastin në fjalë është proceduar penalisht në gjendje të lirë dhe pasagjerja e automjetit, shtetasja V. C., 33 vjeçe, për veprën penale “Moskallëzimi i krimit”.
Materialet procedurale iu referuan Prokurorisë së Tiranës për veprime të mëtejshme.
