Një efektiv polici në Korçë është arrestuar nga Agjencia e Mbikëqyrjes Policore, pasi ka shkaktuar një aksident dhe është larguar nga vendi i ngjarjes.
Në pranga është vënë inspektori Jurgen Rushitaj, me detyrë Oficer i Patrullës së Përgjithshme në Komisariatin e Policisë Korçë. Ai akuzohet për veprat penale “Mosdhënia ndihmë” , “Largimi nga vendi i aksidentit” dhe “Shkelja e rregullave të qarkullimit rrugor”.
Mbrëmjen e të hënës, 3 Mars, efektivi J.R. dyshohet se ka përplasur me makinë shtetasin D. Gj., 28 vjeç (këmbësor) në aksin Hoçisht – Bilisht. Pas aksidentit, ai u largua nga vendi i ngjarjes duke mos i dhënë ndihmë të aksidentuarit dhe duke mos njoftuar organet e rendit.
Si pasojë e aksidentit shtetasi D. GJ., është dërguar për mjekim të specializuar në Spitalin e Traumës në Tiranë
