Edi Rama do të zhvillojë një mbledhje qeveritar më 7 dhe 8 mars në një prej godinave qeveritare në qendër të kryeqytetit, në të ashtuquajturën “Vila 30”.
Burime për mediat bëjnë me dije se në këtë mbledhje do të jenë të pranishëm jo vetëm ministrat, por edhe kryetarja e Kuvendit Elisa Spiropali dhe kryesia e grupit parlametar të PS.
Kjo mbledhje do të mbahet vetëm 4 ditë para përfundimit të afatit (12 Mars) për dorëzimin e listave të kandidatëve për deputetë për zgjedhjet e 11 Majit në KQZ. Ende nuk dihen detajet se cilat do të jenë temat e diskutimit në këtë mbledhje dy ditore.
