Muaji i parë i vitit regjistroi ulje të numrit të aksidenteve me një nivel 22.8 për qind në raport me janar 2024.
Në raportin e Institutit të Statistikave lidhur me aksidentet nënvizohet se këto janë të dhëna paraprake dhe mbeten objekt rishikimi.
“Në muajin Janar 2025 numërohen 125 aksidente rrugore, nga të cilët 174 persona janë të aksidentuar (të vrarë dhe të plagosur). * (Të dhënat e publikuara janë paraprake dhe subjekt përditësimi). Gjatë periudhës Janar 2025, numri i aksidente rrugore është ulur me 22,8%, krahasuar kjo me të njëjtën periudhë të një viti më parë” thuhet në publikimin e INSTAT.
Në analizën që iu është bërë shifrave lidhur me përgjegjësinë e aksidenteve pra cilët janë shkaktarët rezulton se e, në 89,6% të rasteve, ato kanë ndodhur si pasojë e sjelljes së drejtuesit të mjetit.
Lidhur me moshën numri më i lartë i aksidenteve, në këtë periudhë, është kryer nga grup-moshat 0-24 dhe 25-34 vjeç, duke zënë secila nga 21,6% të numrit të aksidenteve gjithsej.
“Në muajin Janar 2025, numri më i lartë i aksidenteve rrugore ka ndodhur përgjatë ditës së Enjte me 23,2%, ndërsa numri më i ulët i aksidenteve ka ndodhur përgjatë ditës së Shtunë, me 10,4%
Numri më i lartë i aksidenteve rrugore ka ndodhur përgjatë harkut kohor 08:00-12:00, duke zënë 21,6% të numrit të aksidenteve rrugore gjithsej” vlerëson INSTAT./Monitor
