UEFA njoftoi këtë të premte se ka pezulluar gjyqtarin anglez, David Coote, nga arbitrazhi i çdo ndeshjeje nën juridiksionin e saj deri më 30 qershor 2026, pasi përfundoi një hetim mbi sjelljen e 42-vjeçararit.
Në një intervistë të fundit, Coote rrëfeu për vështirësitë e ndryshme që ka përjetuar gjatë karrierës së tij, gjatë së cilës ai mori statusin e arbitrit FIFA në vitin 2020. Ai pranoi se kishte konsumuar kokainë, pasi u shfaq një video e dyshuar e tij duke thithur një pluhur të bardhë gjatë Euro 2024, ku ai ishte një nga arbitrat pjesëmarrës.
Coote u përfshi edhe në një tjetër polemikë pas publikimit të një videoje në të cilën shante rëndë Jurgen Klopp, ish-trajnerin e Liverpool-it nga 2015 deri në 2024.
Që nga ajo kohë, PMGOL, organi përgjegjës për arbitrimin në Angli, e ka pushuar nga puna, por sanksionet ndaj tij mund të mos përfundojnë këtu, pasi veprimet e tij janë ende nën hetim nga FA (Federata Angleze e Futbollit).
