Një aksident i rëndë me pasojë vdekjen e një 37-vjeçari ka ndodhur këtë të enjte në lagjen nr. 13, Durrës, në rrugën “Martin Camaj”.
Sipas raportimeve, automjeti i drejtuar nga shtetasi Rinor Lami, 37 vjeç, ka përplasur automjetin e drejtuar nga shtetasja Trendafile Çaushi, 49 vjeçe.
Si pasojë e përplasjes, shtetasi Rinor Lami ka humbur jetën në vendngjarje, ndërsa shtetasja Trendafile Çaushi, dhe pasagjerja e saj, K. D., kanë pësuar lëndime dhe janë dërguar për kujdes mjekësor.
Grupi hetimor po punon për zbardhjen e rrethanave të aksidentit.
