Dy shtetas të mitur, të moshës 16 vjeç, janë proceduar penalisht, pasi dyshohet se kanë hapur llogari në “Instagram”, dhe më pas kanë publikuar fotografi të një bashkëmoshatareje të tyre, me përmbajtje denigruese.
Ndërkohë autoritetet vijojnë punën për dokumentimin e plotë të rastit.
‘Specialistët e Seksionit për Hetimin e Krimeve Kibernetike të DVP Vlorë referuan materialet në Prokurori, për 2 shtetas të mitur të moshës 16 vjeç, pasi dyshohet se kanë hapur një llogari në rrjetin social “Instagram” dhe kanë postuar foto me përmbajtje denigruese ndaj një bashkëmoshatareje të tyre‘, thuhet në njoftim.
Materialet procedurale iu referuan Prokurorisë për veprime të mëtejshme.
