“Nëse Rusia fiton këtë luftë, nuk do të ndalojë në Ukrainë”. Është ky paralajmërimi që ka dhënë Presidenti i Komitetit Ushtarak të NATO-s, Giuseppe Dragone. Në një video të postuar në rrejtin social X, ushtaraku i lartë i NATO-s, thekson gjithashtu se deri më tani Europa është mbrojtur nga SHBA, por tani e tutje duhet të bëjmë shpenzimet tona.
“Ukraina nuk është vetëm, jeni në mendjet dhe aksionet tona. Përpjekjet tuaja janë për tërë perëndimin dhe do të keni fitore. Nëse Rusia e fiton këtë luftë, ajo nuk do të ndalet me Ukrainën. Ne vijmë nga një javë shumë intensive. Ajo që i rekomandova selisë sime është të shohin se çfarë ndodh tani. Sigurisht që na është bërë një thirrje zgjimi dhe tani edhe ne duhet të mendojmë për këtë, por aleanca jonë është shumë e fortë dhe kohezive. Trump ka të drejtë, se deri më tani kemi qenë të varur nga një operacion financiar amerikan. Ne duhet të zgjojmë industrinë tonë të mbrojtjes: sigurisht që nuk jemi në një situatë paqeje”, tha Dragone.
Sakaq, Britnaia e Madhe po armatoset. Kryeministri Keir Starmer tha në Dhomën e Komunave se do të rrisë shpenzimet vjetore të mbrojtjes në 2.5% të PBB-së deri në vitin 2027 dhe do të synojë një nivel prej 3% për herë të fundit menjëherë pas Luftës së Ftohtë, një sinjal për presidentin e SHBA Donald Trump se Britania mund të ndihmojë në rritjen e sigurisë së Evropës.
Në prag të nisjes së tij për t’u takuar me Trump në Uashington, Starmer i tha parlamentit se po e çonte përpara rritjen e shpenzimeve të mbrojtjes për t’i ofruar Evropës më shumë mbështetje ndërsa SHBA-ja drejton bisedimet e paqes me Rusinë për luftën e saj në Ukrainë.
“Pra, duke filluar nga sot, unë mund të njoftoj se kjo qeveri do të fillojë rritjen më të madhe të qëndrueshme të shpenzimeve të mbrojtjes që nga fundi i Luftës së Ftohtë. Ne do të përmbushim angazhimin tonë për të shpenzuar 2.5% të PBB-së në mbrojtje, por do ta çojmë përpara në mënyrë që të arrijmë atë nivel në 2027 dhe do ta mbajmë atë për pjesën tjetër të këtij parlamenti dhe më lejoni ta shpenzoj 13.4 miliard paund çdo vit deri në vitin 2027”, u shpreh kryeministri Starmer.
Që kur Trump në dukje braktisi qasjen më miqësore të Shteteve të Bashkuara ndaj Ukrainës ndaj luftës së Rusisë, duke verbuar pjesën më të madhe të Evropës, Starmer dhe liderë të tjerë evropianë kanë shtuar përpjekjet diplomatike për të treguar një front të bashkuar për të mbështetur Kievin./ A2
