Moment i vështirë te Milani nuk ka fund. Pas eliminimit nga Liga e Kampioneve, kuqezinjtë pësuan një tjetër disfatë.
Skuadra e drejtuar nga Sergio Conceicao, u mposht me rezultatin 2-1 nga Torino në transfertë. Një autogol qesharak i Thiaw në minutën e 5-të dhe një gol i shënuar nga Gineitis në minutën e 76-të, i dhanë suksesin vendasve.
Goli i Reijnders në minutën e 74-t, ishte i pamjaftueshëm për Milanin. Kuqezinjtë mbeten në vendin e shtatë me 41 pikë dhe zona Champions duket gjithnjë dhe më e vështirë.
