Calciomercato raporton se Inter synon të bëjë një goditje dyshe brenda Serisë A për sezonin e ri. Zikaltrit kanë piketuar dy yje të rinj, për t’u përcorcuar për sezonin e ri në mesfushë dhe në repartin e sulmit.
Inter është i gatshëm të paguajë 40 milionë euro për Samuele Ricci, mesfushorin e Torino-s, i cili ndiqet edhe nga klubet e tjera të mëdha.
Po ashtu zikaltrit duan të sigurojnë dhe atë që konsiderohet si zëvendësuesi ideal i Lautaro Martinez, e kemi fjalën për Santiago Castro-n, sulmuesin e Bologna-s, për të cilin Inter ofron 30 milionë euro.
Beppe Marotta ka nisur që tani nga puna për të mbyllur këto marrëveshje sa më parë, duke ditur që dy lojtarët në fjalë në verë do jenë objektiv në merkato për disa klube të mëdha.
