Një lokal, që përdorej për përdorimin dhe shpërndarjen e lëndëve narkotike, u zbulua në Berat. Policia vuri në pranga pronarin e biznesit, Elvin Vila, dhe Karaman Dine, Kristjan Isufi, Redjon Zane të cilët bashkëpunonin me 45-vjeçarin për të shpërndarë lëndën narkotike.
Gjatë kontrollit në lokal dhe në banesat e të dyshuarve, u gjetën dhe sekuestruan dhjetëra doza lëndë narkotike kokaine, 1 peshore elektronike, 4 aparate celularë, pajisje elektronike, 3 automjete dhe shuma monetare, të cilat dyshohet se janë përfituar nga kjo veprimtari e kundërligjshme.
Nga hetimet dyshohet se këta shtetas, pasi siguronin lëndë narkotike, ua shisnin shtetasve të tjerë në ambintet e lokalit.
“Në kuadër të procedimit penal të nisur për goditjen e veprimtarisë kriminale të shpërndarjes së drogave të forta, pas një hetimi me metoda proaktive, është organizuar dhe finalizuar operacioni policor i koduar “INVESTIGATIONS”.
Gjatë këtij operacioni u arrestuan në flagrancë, për veprën penale “Prodhimi dhe shitja e narkotikëve”, shtetasi E. V., 45 vjeç, banues në Kuçovë, pronari i lokalit ku shitej dhe përdorej drogë, si dhe shtetasit K. D., 27 vjeç, banues në Fier, K. I., 30 vjeç, banues në Përmet, dhe R. Z., 22 vjeç, banues në Kuçovë, që dyshohen se shpërndanin lëndën narkotike.
Shërbimet e Policisë, gjatë operacionit, ushtruan kontroll në lokalin e dyshuar në Dimal, në pronësi të shtetasit E. V., si dhe në banesat e shtetasve të arrestuar, ku gjetën dhe sekuestruan dhjetëra doza lëndë narkotike kokaine, 1 peshore elektronike, 4 aparate celularë, pajisje elektronike, 3 automjete dhe shuma monetare, të cilat dyshohet se janë përfituar nga kjo veprimtari e kundërligjshme.
Nga veprimet hetimore dyshohet se këta shtetas, pasi siguronin lëndë narkotike, ua shisnin shtetasve të tjerë në ambientet e lokalit.
Lënda narkotike, së bashku me peshoren elektronike, celularët dhe automjetet që këta shtetas përdornin, u sekuestruan në cilësinë e provës materiale.
Vijon intensivisht puna për identifikimin dhe kapjen e shtetasve të tjerë të përfshirë në këtë veprimtari kriminale.”– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
