Një ditë pasi në Vlorë u zbulua një shtëpi bari, policia ka shoqëruar në komisariat dhe ka proceduar në gjendje të lirë dy elektricist dhe një faturist.
Pas konstatimit për vjedhje energjie policia ka vazhduar hetimet dhe ka zbuluar se prej një viti banesa ishte marr me qira
U bë me dije se shtëpia e barit ka disa kohë që mund të jetë përdorur megjithatë hetimet nga ana e drejtorisë vendore të policisë vijojnë nëse është kultivuar më herët apo ka qenë tentativa e parë.
Kujtojmë që ditën e djeshme, policia gjeti në katin e parë të një objekti trekatësh dy ambiente të përshtatura për kultivimin e bimëve narkotike ku u q, 482 prej të cilave ishin të mbjella në kubikë.
Lartësia e këtyre bimëve arrinte në një lartësi 90-110 cm. Policia ka sekuestruar gjithashtu 80 llamba të fuqishme ndriçimi, 8 aspiratorë për ajrosjen e ambientit, 80 transformator, medikamente, plehra kimike dhe pajisje të tjera të specializuara për rritjen e bimëve narkotike në ambiente të mbyllura.
Në kuadër të operacionit u arrestua një 24-vjeçar i cili dyshohet se kujdesej për bimët e kultivuara dhe siguronte kushtet e nevojshme për mirëmbajtjen e tyre. Gjithashtu është shpallur në kërkim në tjetër 24-vjeçar i cili dyshohet se e kishte marrë këtë ambient me qira.
Gjate kontrollit nga forcat operacionale Vlorë, Sadedinit iu sekuestrua dhe mjeti i blinduar, si dhe një armë zjarri.
“Po gjatë operacionit, në këtë ambient u gjet dhe u arrestua në flagrancë shtetasi A. L., 24 vjeç, lindur në “Përlat”, Mirditë, dhe banues në Lezhë. Ky shtetas dyshohet se kujdesej për bimët e kultivuara dhe siguronte kushtet e nevojshme për mirëmbajtjen e tyre. Në vijim të veprimeve hetimore, është identifikuar dhe shpallur në kërkim shtetasi I. K., 24 vjeç, banues në Fier, i cili dyshohet se e kishte marrë këtë ambient me qira, Policia vijon kontrollet për lokalizimin dhe kapjen e tij. Gjatë operacionit, në vijim të kontrollit të ushtruar në këtë objekt, në një banesë në katin e tretë, të marrë me qira nga shtetasi E. L., 35 vjeç banues në Vlorë, shërbimet gjetën dhe sekuestruan një sasi lënde narkotike kanabis. Në vijim të veprimeve, poseduesi i lëndës narkotike u arrestua në flagrancë”, njofton policia.
Lexo edhe:
Vlorë/ Zbulohen 2 shtëpi bari, kush është “i forti” që tentoi të qëllojë policinë (EMRI-PAMJE)
