Shqiptarët e Luginës së Preshevës që mund të jetojnë e punojnë në shtete të tjera, kur kthehen në trevat e tyre, rrezikojnë të jenë zhdukur nga çdo sistem.
Pra, sikur të mos kenë lindur kurrë në ato troje.
‘Erdha nga perëndimi, nga Zvicra në pushime verore, me shoqen me fëmijë. Shoqes i skadonte afati i pasaportës me 7 gusht 2019, edhe shkova në stacionin policor ku bëhet kërkimi për dokumente. Kur shkova aty u lajmërova me shoqen, më tha nuk ke adresë është e pasivizuar me 2 gusht 2019. Kjo nga ka ardhur, pasaporta ka edhe 7 ditë kohë… zotëri po të tregoj se nuk ka mundësi me nxjerrë pasaportë. E ktheva shoqen atje për dy ditë’, u shpreh Gani Hajdini, banor i Medvegjës.
Duke mos u njoftuar për nisjen e procesit të pasivizimit, emigrantët humbasin çdo të drejtë për ta ankimuar. Në rastin konkret, familja e Gani Hajdinit është pasivizuar ndonëse vetë kryefamiljari ka marrë mjetin e identifikimit pak kohë më parë.
‘Për fëmijë a ban me dit për adresë. Më tha jo nuk mundesh, fëmijët duhet me kanë prezent këtu. Një serb që punonte aty më njihte që në shkollë dhe i tha që i ka fëmijët poshtë moshës 18 vjeç duhet me ia dhënë shpjegimin, i ra kompjuterit e gjeti e ka të pasivizuar për djalin dhe për cikën. Unë kisha nxjerrë 6 muaj përpara pasaportë. I thashë po unë e kam adresën, e pa, tha jo, e ketë pasivizuar. Si e kam të pasivizuar kur para 6 muajsh e nxora pasaportën? Yotri e ke pasur tani nuk e kie dhe u kry puna, mundesh me dalë jashtë’, u shpreh Gani Hajdini, banor i Medvegjës.
Banori i Medvegjës ju kërkon institucioneve dokumentin ku shkruhet se adresa e tij është pasivizuar, pra aktvendimin. Autoritetet refuzojnë t’ia japin, veprim ky i bërë me të gjithë shqiptarët që ju është pasivizuar adresa. Një veprim që synon të mos u japë mundësi ankimimi.
Gani Hajdini ka dokumente që faktojnë se ka lindur, është rritur e arsimuar në Medvegjë. Faktet janë në zyrat shtetërore, diplomat e studimeve, leja e drejtimit, mjeti i identifikimit ende i vlefshëm por cuditërisht adresa është pasivizuar./InsideStory
