Vllaznia ka rinovuar kontratën me Bekim Balaj. Klubi shkodran ka bërë publik lajmin, teksa ka njoftuar se do të vijojë bashkëpunimin me sulmuesin deri në vitin 2027.
“KF Vllaznia ka kënaqësinë të njoftojë se rrugëtimi jonë do të vazhdojë sëbashku me kapitenin tonë edhe për dy sezone të tjera. Suksese Bekim Balaj!” – shkruan Vllaznia.
34-vjeçari, të cilit i përfundonte kontrata në fund të këtij sezoni, do vazhdojë të udhëheqë Vllazninë ku filloi hapat e parë në karrierë.
Kujtojmë se kapiteni i kuqebluve e mbylli sezonin e kaluar si golashënuesi më i mirë i kampionatit. Balaj kryeson edhe në sezonin aktual renditjen e golashënuesve teksa ka realizuar 14 gola deri në këtë fazë të kampionatit.
