Kryebashkiaku i Tiranës, Erion Veliaj ka takuar ditën e sotme familjarët e tij në paraburgim.
Veliaj është takuar sot me vëllain e tij, Arbër Veliaj. Ky fundit ka qene nen hetim nga SPAK, por sipas dosjes paraprake ndaj tij, nuk eshte caktuar asnje mase shternguese apo perfshire ne akuzat zyrtare.
Takimi është zhvilluar sot pas mesditës, ndërkohë që kryebashkiaku ka mundur të bisedojë me vëllain e tij.
Kujtojmë që ditën e sotme Prokuroria e Posaçme (SPAK) iu ka lëshuar autorizim familjarëve të Erion Veliajt për ta vizituar kryebashkiakun e Tiranës në paraburgimin e Durrësit.
Erion Veliaj u arrestua më datë 10 shkurt, ndërkohë që po qëndron në paraburgim prej 7 ditësh, kurse bashkëshortja e tij, Ajola Xoxa është lënë e lirë në masën “detyrim paraqitje”.
