Dy aksidente të njëpasnjëshme janë regjistruar në orët e para të mëngjesit të kësaj të hëne, rreth orës 05:05, në autostradën “Tiranë-Durrës”.
Autoritetet policore raportojnë se fillimisht, shtetasi G. M., rreth 28 vjeç, duke drejtuar automjetin, ka humbur kontrollin mbi drejtimin e tij dhe si pasojë makina është përplasur me trafikndarësen.
Ndërkohë, pasi kanë dalë dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues shtetasin I. L.
Si pasojë e aksidentit të dytë, ka humbur jetën 28-vjeçari me iniciale G.M., ndërsa 3 pasagjerët e automjetit të tij janë dërguar në spital, për mjekim.
Raportohet se shoferi me inicialet I. L është shoqëruar në Komisariat, për veprime të metejshme proceduarale.
Grupi hetimor vijon punën për sqarimin e rrethanave të aksidentit.
