Juristi Jordan Daci thotë se drejtësia ka më shumë se dy standarte. Ai theksoi se, që nga viti 2016, drejtësia nuk ka gjetur një ekuilibër në raport me veten. Sipas tij, kjo nuk lidhet me SPAK, por me të gjithë sistemin , duke u kthyer në një fenomen shqetësues që shpeshherë ngre pikëpyetje mbi barazinë para ligjit.
Juristi u shpreh se vendi ynë duhet të krijojë një standard, duke arrestuar vetëm kur të jenë mbledhur provat.
“Mendoj se drejtësia ka më shumë se dy standarde. Prej tronditjes së madhe në 2016, drejtësia nuk ka gjetur një ekuilibër në veten e saj në raport me të gjitha rastet. Edhe vetë praktika gjyqësore është një gjë sot, dhe pas një jave ke një tjetër. Është një mungesë stabiliteti në përgjithësi, nuk lidhet vetëm me SPAK por me të gjithë sistemin dhe fenomen shqetësues që shpeshherë ngre pikëpyetjen mbi barazinë reale para ligjit. Se kur sheh se për të njëjtën gjë ke ka vendime të ndryshme, brenda të njëjtit kolegj, është shqetësim që i shtohet numrit të madh të shqetësimeve përtej efekteve pozitive që ka pasur reforma. Rasti i Veliajt, unë nuk kam pasur interesin e madh për ta lexuar dosjen, normalisht çdo qytetar me ato çfarë kanë shkruar për Veliajn do të ishte në burg por problem nuk qëndron se pse është Erioni në burg por a duhet të jenë të gjithë Erionët në burg apo duhet të ndryshojmë gjithçka. Në fundjavë publikova disa të dhëna që janë shumë alarmante.
Jemi vend i pestë në Evropë dhe 50 në botë për numrin më të madh të të burgosurve për 100 mijë banorë. Po t’i shtojmë këtë se kemi një artificë në raport me numrin e vërtetë të qytetarëve që janë këtu, shifra kthehet në ekstrem. Që dmth do të jemi vendi me numrin më të madh të të burgosurve në botë. Pjesë e dytë mora me nivelin e pafajësive, gjykatat tona nuk e kalojnë asnjëherë 2.6 për qind. Në vendet e botës është 28 për qind, 30, 15 apo 16 për qind. Edhe një pretendim të nivelit kushtetues për këtë çështje që duhet të ishte marrë parasysh, përtej fakti për Encrochat duhet të pranohej, vendos GJK po kjo nuk është trajtuar. Mendoj që testi i stresit që ka kaluar sistemi nga 2016 dhe vazhdon ta krijojë për shkak të mbingarkesës, e ka bërë që gjyqtari shpeshherë të jetë më shumë një tip mekaniku dhe një gjyqtar që ka luksin të fillojë të studiojë. Nuk kanë luksin të lexojnë materialit për shkak të mbingropjes me numrin e çështjeve. Ne kishim guvernatorin duke punuar në zyrë dhe e kapën si me qenë kriminel ordiner pavarësisht se doli i pafajshëm. Kishim presidentin e republikës që e kapën si qen rrugësh. Ne duhet si vend të vendosim një standard. Para se të fusim njerëzit në burg, të mbledhim provat. Jo i fusim në burg dhe më pas kërkojmë prova, kjo për mua nuk i takon më kohës”, u shpreh Daci.
