Veç Kukësit dhe Mirditës, edhe Qarku i Shkodrës është përfshirë nga reshjet e dëborës mëngjesin e sotëm.
Disa centimetra dëborë kanë rënë në zonat e thella të Shkodrës, në Kelmend të Malësisë së Madhe, si edhe në qytetet e Pukës dhe Fushë Arrëzit.
Deri më tani qarkullimi i automjeteve vijon normalisht, teksa në zonat malore, qarkullimi duhet të bëhet me goma dimërore.
Si pasojë e motit të keq raportohet për probleme me energjinë elektrike në disa fshatra malorë.
