Real Madrid e Atletico janë ndalur në barazime 1-1, në javën e 24 të La Ligas. Dy barazime thuajse identike, me kartonat e kuq që penalizuan dy skuadrat madrilene dhe ndikuan në mbarëvajtjen e ndeshjes.
Real Madrid e nisi shumë mirë sfidën ndaj Osasunës, teksa skuadra e Ancelottit do të kalonte në avantazh që në minutën e 15 të pjesës së parë, teksa një pasim i Valverdes do të shfrytëzohej maksimalisht nga sulmuesi francez për golin e avantazhit.
Megjithatë për të vendosur në vështirë skuadrën e tij mendoi këtë herë Bellingam. Një fjalë e thënë më shumë nga anlgezi drejtuar gjyqarit kryesor, 6 minuta nga fundi i fraksionit të parë, detyroi këtë të fundit t’i drejtonte kartonin e kuq.
Edhe pjesë e dytë nuk do të niste mirë për “Los Blancos” me Camavingën që do të shkaktonte një faull në zonë dhe Ante Budimir nga pika e bardhë nuk do të falte për golin e barazimit.
Megjithëse me 10 futbollistë Real do të provonte deri në fund për të rikthyer avantazhin, por goditjet e Vinicius dhe Modriç ishin të pasakta. Përfundimisht 1-1, një barazim që djeg për skuadrën e Ancelottit që mund të mbërrihet në krye të klasifikimit, nëse Barcelona do të fitojë të hënën në mbrëmje ndaj Vallecanos.
Barazim po 1-1 edhe për Atletico Madrid. Sfida për “Los Cholchoneros” do të kompromentohej që në nisje teksa VAR thërret gjyqarin kryesor për parë një ndërhyrje të të ashpër të Barriors në mesin e fushës.
Celta do të përfitonte nga superioriteti numerik, teksa do të gjente golin me 11 metërsh në mesin e pjesës së dytë, falë një goditje të saktë nga pika e bardhë e Iago Aspas.
Megjithatë Atletico nuk do të dorëzohej, teksa pas një vertikalizimi të gjatë sulmuesi norvegjez Alexander Sorloth do të përfitonte mjaft mirë e me një goditje të saktë do ta ndalte topin në cepin e portës për golin e barazimit 1-1, që do të ishte edhe rezultati përfundimtar i ndeshjes. Ky ishte barazimi i dytë radhazi për Atelticon, që mbetet kështu 1 pikë prapa Real Madrid.
Sa i perket renditjes, ajo kryesohet nga Real Madrid me 51 pikë, ndjek Atletico me 1 më pak. Barcelona ka shansin të hënën të barazojë skuadrën e Ancelottit teksa aktualisht gjendet në vendin e tretë me 48 pikë por me një ndeshje më pak.
Renditja:
