Nuk ka paqe në frontin e “San Siro”-s. Bashkia e Milanos, e acaruar nga zvarritja e Interit dhe Milanit për procedurat për blerjen e objektit aktual dhe zonave përreth, ka kërcënuar dy klubet të anulojnë projektin, siç zbulohet nga “Corriere della Sera”.
“Asgjë e re në mbledhjen e zakonshme të së enjtes. Nëse do të vonoheshin më tej procedurat, Bashkia thotë se është gati të ndërpresë kanalin e komunikimit dhe në fund të paraqesë një tender alternativ për shitjen e stadiumit. Ajo që shqetëson veçanërisht Palazzo Marino është vonesa e klubeve që mund të ketë motive të ndryshme. – nënvizon gazeta.
Në takimin e së enjtes nuk pati asnjë progres dhe kështu Kryebashkiaku Sala vuri ultimatumin. Praktikisht ai pret të marrë së shpejti dokumentin e fizibilitetit të alternativave të projektit dhe ofertën e blerjes.
Shqetësues është edhe pozicioni i Milanit, i cili ende nuk e ka braktisur zyrtarisht projektin San Donato. Madje edhe Interi, për arsye të ndryshme nuk ka nxituar.
