Policia e Durrësit ka finalizuar operacionin për kapjen e personave të shpallur në kërkim, duke arrestuar dy shtetas të dyshuar për vepra të ndryshme penale.
Në pranga ka rënë shtetasi Gj. G., 25 vjeç, i cili më 1 qershor 2024, në bashkëpunim me vëllanë e tij A. G. (i arrestuar më parë), ka kanosur me armë zjarri një 20-vjeçar pas një konflikti për motive të dobëta.
Po ashtu është arrestuar shtetasi E. F., 42 vjeç, banues në Durrës, i cili ishte në kërkim pasi Gjykata e Durrësit e kishte dënuar me 6 muaj burgim për veprën penale “Dhuna në familje”.
