Sy persona janë arrestuar nga Policia në Portin e Durrësit, pasi tentuan të kontrabandonin pajisje elektronike në Shqipëri.
Gjatë kontrollit të një kamioni, u gjetën 23 celularë iPhone 16 Pro Max dhe 2 laptopë pa fatura blerjeje, të dyshuara se ishin kontrabanduar nga Gjermania.
Në pranga u vunë 43-vjeçari Afrim Ukperja, drejtues i kamionit, dhe 35-vjeçari Amarildo Hamzai, personi për llogari të të cilit ishin kontrabanduar pajisjet.
‘Gjatë operacionit u vunë në pranga shtetasit A. U., 43 vjeç, dhe A. H., 35 vjeç, të dy banues në Tiranë.
Në kamionin që drejtonte 43-vjeçari, në hyrje të Shqipërisë, u gjetën 23 celularë (iPhone 16 Pro Max) dhe 2 laptopë, pa fatura blerjeje, të cilat dyshohet se ishin kontrabanduar nga Gjermania, për llogari të shtetasit A. H. (djali i pronarit të kamionit që drejtonte shtetasi A. U., dhe njëkohësisht shtetasi që priste pajisjet.’, njofton policia.
Materialet procedurale iu dërguan Prokurorisë për hetime të mëtejshme.
