Dy ditë pas finales së madhe të “Super Bowl 59” janë bërë zyrtare edhe shifrat e sakta sa i përket audiencës.
Sipas rrjetit televiziv “FOX” ky takim është ndjekur nga plot 126 milionë njerëz, të cilët e kanë parë nëpërmjet “Fox”, “Fox Deportes”, “Tubi”, “Telemundo” dhe “NFL Digital”.
Sipas të dhënave maksimumi i audiencës ka shkuar deri në 135.7 milonë shikues edhe pse bëhej fjalë për një takim pa shumë hisotri (Filadelfia shkoi në dhomat e zhveshjes me shifrat 24-0).
Ky ishte ishte viti i dytë radhazi që Super Bowl ka arritur një audiencë rekord. Fitorja e Chiefs ndaj San Franciskos vitin e kaluar tërhoqi mesatarisht 123.7 milionë amerikanë para televizioneve. Gjithashtu duhet përmendur se Super Bowl është evenimenti më i ndjekur për sa i përket sporteve në SHBA, e cila nuk njeh rivalë duke lënë pas finalet e NBA dhe bejsbollit.
Sipas ekspertëve ky “Super Bowl” pritej me shumë interes pasi në rast triumfi të Kansas Sitit do të ndodhte diçka që kurrë më parë nuk ishte parë në historinë e NFL-së ku një ekip do të triumfonte tri herë me radhë.
Eagles fituan finalen pas paraqitjeve të jashtëzakonshme nga “Quarterback”-u Jalen Hurts dhe mbrojtja, e cila ishte në gjendje të bllokonte Patrick Mahomes dhe mbyllte sulmin e rivalëve pothuajse plotësisht.
