Gentian Mezani është zyrtarisht trajner i Bylisit. Tekniku vlonjat zëvendëson kështu Nevil Deden i cili u largua nga mallakastriotët dy ditë më parë pas humbjes ndaj Vllaznisë.
Trajneri Mezani ka eksperiencë në drejtimin e ekipeve tona të Superiores si Laçi (2017-2018, 2022-2023) dhe Flamurtarin (2016-2017), por edhe në elitën e futbollit kosovar aty ku ka drejtuar Gjilanin për tre sezone.
Vlonjati është trajneri i tretë i Bylisit për këtë edicion pasi kujtojmë se gjithçka nisi me Emanuel Egbon.
Njoftimi i klubit të Bylisit:
Pas dorëheqjes së trajnerit Nevil Dede, FK BYLIS ka kënaqësinë të njoftojë zyrtarizimin e trajnerit të ri Gentjan Mezani. Trajneri Mezani ka eksperiencë në drejtimin e shumë ekipeve tona të Superiores, por edhe në elitën e futbollit kosovar.
FK BYLIS i uron mirëseardhjen trajnerit të ri Mezani dhe njëkohësisht falënderon Nevil Deden për kontributin e dhënë në drejtimin e skuadrës sonë. Puna vazhdon, më të bashkuar se kurrë në realizimin e synimeve tona.
